qa'oStisches

pagh HoD lut

Lieder

Geschichte

Missionen

Klingonischer Tauschhandel

lut 'ay' wa'

toQDuj pagh HoD yabDaq pagh tu'lu'.
'entepray' ghom toQDuj pagh.
HeghbatDaj nabqa'lI'.
botjan chu'Ha'taHvIS yopwaHDaj tuQHa'moH.
luj.
wa'Hu' Qe'Daq lujpu'.
cha'Hu' juHDaq lujpu'.
QeHchu' qorDu'Daj 'ej ghaH lunuStaH.
naHletvam chIm nuStaH mangghom naQ.

B'Elora veSbe' je
(qepHom 2004)

lut 'ay' cha'

ben HeghbatDaj DanID toQDuj pagh HoD.
voDleH Sor Hap 'In nIH.
DungDaq Sor Hap 'In puvmoH HoD 'ej nachDaj tap Sor Hap 'In neH.
'ach HoD pummoHtaHvIS Sor Hap 'In.
Sor Hap 'In ghorlu'.
naHlet chIm let law' Sor Hap 'In let puS.
vultaHvIS tu' 'avwI'.
bIghHa'Daq HoD qem 'avwI'.
bIghHa'Daq vemtaHvIS HoD.
'el 'avwI'.
ghaw' ngaS Dup 'e' HodvaD nob 'avwI'.
jatlh 'avwI': "HoH'eghmeH ghaw'vam yIlo'."
tar ngaS ghaw' 'e' Sovbe' HoD.
charchoHmoHmeH rav ravDaq Dup chagh naHlet chIm.
chIch ghaw' 'el 'ej pum.
SaS 'ej puv.
reD veghtaHvIS peng rur.
naHlet chIm let law' reD let puS.
reD val law' pagh HoD val puSmo' jegh reD.
wa' loghqam puv ghaH.
tlhab.
Do'Qe' lojmIt vegh 'ej Do'Qe'Daq SaqmeH Qep'ItDaj lo' HoD.
ghaH chovchu' tebwI'.
baH!
Qep'It ngeQ nISwI' tIH.
jormo' Qep'It Do'Qe'vo' puv HoD.
meQ Do'Qe'.
'IH.
lujchu'qu'.
ghaH luHoHlaHbe' Sor Hap 'In, tar, ghaw', reD, lojmIt, nISwI' tIH, Qep'It jor, Do'Qe' meQ je.

B'Elora, joDmaS, veSbe' je
(qepHom 2005)

lut 'ay' wej

tachDaq Saq naHlet chImvam.
leS.
pay' tach lojmItDaq ghoS chom vaQ.
pagh HoD HoH chom neH.
HoDDaq Qeqmo' nISwI'Daj lo'.
"yImev! Qo'! HIHoHQo'!" jach naHlet chIm.
"chay'!" Qub ghaH.
"va. Heghmo' 'ebvam vIlo'pu'be'!" Qub ghaH.
"ghobe'! DaH yIbach!" jatlh naHlet chIm.
'ach Qoybe' chom. Do'Qe' meQ legh ghaH.
tIv.
"qatlho'. roj DaneH'a'?" ghel chom.
"ghobe', 'ach rojqoq vIneH. yIbach. HIHoH." jatlh pagh HoD.
"chay'?" ghel chom.
"yIghel 'e' yImev. yIbaH!" tlhob HoD.
mIS chom 'ach bach.
pe'vIl ghoS SuS naS.
yIntaH naHlet chIm.

B'Elora, joDmaS, veSbe' je
(Sommer-qepHom 2006)

lut 'ay' loS

pay' tach lojmItDaq ghoS Hurgh.
'el.
pagh yaS wa'DIch ghaH Hurgh'e'.
SuS naSmo' naHlet chIm qIpHa' bach, 'ach pagh yaS wa'DIch qIpchu' 'oH.
Hegh Hurgh.
yach HoD: "nISwI'lIj DaSeHHa''a'?!" jatlh chom: "*'upIS! HIvqa' veqlargh!" tach qoD mej HoD.
HeDajDaq ghojmeH taj tu'.
SIbI' ro'DajDaq ghojmeH tajvam DuQ naHlet chIm.
yonHa'.
mu' ro'vo' wa' ' teq ghaH.
DoS chu'Daq DuQqa'.
'oy'.
naHlet chIm legh Qel yuDHa'
'ej naHlet chIm 'Iw legh.
HoD yIn toD Qelvetlh.
law'leS Qel juHDaq vem pagh HoD.
yonHa'bejqu' HoD.
Qel juHDaq Hommey paqmey je tu'lu'.
wa' paq Sam.
paqvam pong 'oH "hundred ways to kill a doctor with a bone".
paqvam ghItlhmeH DIvI' Hol lo'lu'.
laD.
"-'egh" 'oS "doctor" 'e' Qub naHlet chIm.
wa'vatlhvo' wa'DIch qeS pab ghaH.
Hegh Qel.
Qel nachDaq Qarghmey law' tu'lu'.
mIv'a' rur Qel nach.
yonHa'qa'bejqu' naHlet chIm.
Qaghba' ghItlhwI'!
bortaS DIbDaj poQ pagh HoD.
paqDaq ghItlhwI' pong Sam ghaH.
paqDaq qI'pu' ghItlhwI'.

B'Elora, joDmaS, veSbe' je
(qepHom 2006)

lut 'ay' vagh

qawHaqDaq ghItlhwI' Sam.
tera'Daq yIn.
qIvraj Duy'mo' tera'Daq qetlaHbe'.
puv.
puvtaHvIS qawqa'.
ben law' qaS meq.
meqvetlhmo' HoH'egh neH naHlet chIm.
yIH chon'a' qaStaHvIS tagh meq.
yInbogh yIH Qav legh.
toD.
toQDujraj paghDaq yIHvam tlhap qoHvam.
yatlh yIH 'e' tu':
cha' cheb ngI' yIHvetlh.
yaS cha'DIchvaD yIH nob pagh HoD 'ej yaS cha'DIch 'uch ghaH.
>>yIHwIj DanIHta'!<<, yaS pIch naHlet chIm.
mIS bID beq HoDchaj bej bIDvam.
jatlh latlh bID: >>nachwIj vIHotnIS.<<, 'ej ruchchu'.
yIH HIv yaS cha'DIch.
SIbI' Hegh yIH.
'IH.
'ach yIn yIH puqmey: jor SoS yIH 'ej Dat yIH puqmey tu'lu'.
'IHHa'!

B'Elora, joDmaS, veSbe' je
(qepHom 2007)

lut 'ay' jav

toH. DaH tera'Daq puv tlh.w.D. (tlhIngan wo' Duj) pagh.
Heghpu'mo' yaS wa'DIch 'ej yIntaHmo' HoD QuchHa' HoD.
tera'Daq choltaHvIS toQDuj Duy'choH QuQ
<> jatlh naHlet chIm <>
le'be' ghu'vam.
reH Duy'choH QuQ.
Do'Ha' jonwI' ghaH Heghpu'bogh yaS wa'DIch'e'.
chuyDaH Duy'mo' tlh.w.D. pagh chIjlaHbe' vay'.
qab 'ach puv.
qatlh?
Duj SIgh Hov tlham.
Hov ngeQ toQDujraj 'e' tul HoD.
Hov luchol chaH 'a paw 'ejDo'.
'entepray' 'oH Dujvam pong'e'.
chachqoq tu' 'entepray' beq.
SIbI' tlhaptIH chu'mo' 'entepray' taDchoH pagh.
taDchoHmo' paw'chu'
HoD nach chIm yaS cha'DIch nach je
Hegh yaS cha'DIch. yIntaH naHlet chIm.

B'Elora, joDmaS je
(qepHom 2008)

lut 'ay' Soch

QeHchoHbejqu' naHlet chIm.
pagh rI' 'entepray' HoD.
>>jay'! nuqneH! jay'!<< jang pagh HoD QeH.
>>I am Captain Jean-Luc Picard of the Federation Starship Enterprise.
It seems you have some kind of emergency.
Do you need assistance?<< jatlh 'entepray' HoD.
SoQvam yajlaHbe' naHlet chIm.
Qapbe' mughwI'jan.
chay' Qap mughwI'jan?
DaH paghDaq jang Sov pagh.
'ach SovtaH Heghpu'bogh yaS cha'DIch.
QumpIn ghaH.
Do'Ha' 'oH.
tIch naHlet chIm: >>jay'! petaQ! yIntagh! taHqeq! jay'!
tera'ngan toDSaH! qatlh qaSpu'! qatlh choQIH! jay'!
Hur'agha' DaH 'entepray' meHDaq HIjol, jay'!<<
pagh meHvo' ngab pagh HoD 'ej jatlh Duj De'wI':
>>jay'! petaQ! yIntagh! taHqeq! jay'! ngop jIlaj.
wa'maH... Hut...<<
'entepray'Daq: meHDaq nargh naHlet chIm.
SIbI' 'entepray' HoD pup 'ej qIp ghaH.
mIS 'entepray' HoD 'ej mISmoH 'entepray' nuHpIn.
'entepray' jIHDaq pagh meH leghlu'.
pagh De'wI' Qoylu': >>Soch... jav...<<
mISbejpu' pagh meH beq.
wo'rIv 'oH 'entepray' nuHpIn pong.
nuH ghajbe'mo' bej wo'rIv.
HeghtaHvIS janluq pIqarD 'ej jortaHvIS pagh.
Troi jIb Qeb tlhap wo'rIv.
HIv. wo'rIv pe' neHmo' ghaH.
vaHvo' lel Daqtaghghaj.
wo'rIv nachDaq DuQ Daqtaghghaj.
'ach Daqtagh val law' wo'rIv nach val puSmo' ghor Daqtagh.
yIntaH naHlet chIm.

B'Elora, joDmaS, veSbe' je
(qepHom 2009)

*pItlh*
'ach rInbe' ...

This is a randomly chosen word, we had to use in the text.